ИТХ-ын Төсөв санхүү, эдийн засгийн асуудал эрхэлсэн хорооны хурал 2025.12.11-ний өдөр хуралдаж ИТХ-ын Төлөөлөгчдийн ээлжит 11 дүгээр хуралдаанаар хэлэлцэх асуудлыг урьдчилан хэлэлцлээ.

Хуралд Хорооны дарга Б.Баасанцэрэн, гишүүд П.Итгэлбаяр, Б.Булганболд нар оролцов. Хурлын ирц 60 хувь.
Хурлаар Сумын 2025 оны төсвийн гүйцэтгэл, 2026 оны төсөв батлах тухай илтгэлийг Санхүү албаны дарга Э.Батжаргалын илтгэснээр, Сумын Засаг даргын 2025-2028 онд хэрэгжүүлэх үйл ажиллагааны хөтөлбөрийн 2025 онд хэрэгжүүлэлтийн тухай хэлэлцаж үнэлэх тухай илтгэлийг Засаг дарга Ж.Ууганбаярын илтгэснээр тус тус сонсож санал, дүгнэлт гарган ИТХ-ын Төлөөлөгчдийн ээлжит 11 дүгээр хуралдаанаар хэлэлцэхээр шийдвэрлэлээ.